د کورنيو چارو وزرات په کابل کې د ۱۲۰۰ يو کيلي او بېاسنادو موټرو له ودرولو خبر ورکړی دی.
د ياد وزارت وياند مفتي عبدالمتين قانع ويلي چې ياد شمېر موټر د دې وزارت د عامه امن پوليسو او د کابل ترافيک پوليسو رياست په همکاري نيولي او د پوليسو ښارګوټي ته يې لېږدولي دي.
د نوموړي په وينا، یاد ځواکونه د کابل په دروازو او بېلابېلو سیمو کې د ترافیک پولیسو په همغږۍ د تلاشۍ محلونه جوړ کړي او د بېاسناده وسایطو د تګ او راتګ مخه یې نیولې ده.
دا په داسې مهال ده چې ياد وزارت تر دې وړاندې د يوې خبرپاڼې له مخې هېوادوالو ته خبرداری ورکړی وو، څو په کابل کې له يو کيلي او بېاسنادو موټرو له ګرځولو ډډه وکړي.
کابل کې ۱۲۰۰ يو کيلي او بېاسناده موټر نيول شوي
