په ننګرهار کې د کډوالو او راستنېدونکو رييس بازمحمد عبدالرحمن تېره ورځ د تورخم په عمري مېشت غالي کې د ملګرو ملتونو سازمان د ماشومانو د ملاتړ صندق unicef له مسوولينو سره کتلي دي.
د کډوالو او راستنېدونکو چارو وزارت وايي، په دې کتنه کې د unicef مسوولينو په ياد لنډمهالي مېشت غالي کې د پاکو اوبو د يوې لويې شبکې جوړېدو ژمنه کړې ده. ښاغلي عبدالرحمن د ياد سازمان له دې ګام څخه مننه کړې او دغه راز يې د نورو پراختيايي پروژو د همکاري هيله هم څرګنده کړې ده.