د غزني ښاروالۍ ریاست د ښار دویمې ناحیې په شامیر صاحب بازار کې یو شمېر خوراکي هټۍ د غیرموجه لوړو بیو له امله تړلې دي.
د مارکېټونو د تنظیم مدیر ضیاالرحمن رشیدي وايي، څارنو وښوده چې ځینې پلورونکي د بندرونو له خلاصېدو وروسته هم توکي پر لوړ قیمت پلوري.
نوموړي زیاته کړه: “هیڅوک نهشي کولای له بازار څخه ناوړه ګټه واخلي. د عامو خلکو اقتصادي فشار ته باید درناوی وشي.” ښاروالۍ خبرداری ورکړی چې د بیو نورم دې رعایت شي؛ کنه له سرغړونکو سره به قانوني چلند وشي.