د کور او ښار جوړولو وزارت په بلخ کې ۳۰۵ اړمنو کډوالو کورنيو ته د نمرو د وېش لړۍ له پيل خبر ورکړی دی.
د ياد وزارت وياند کمال افغان د يوې خبرپاڼې په خپرولو سره ويلي، د کور او ښار جوړولو وزير مولوي نجيبالله حيات حقاني کډوالو کورنيو ته د دايمي اوسېدو ځاي برابرېدو په موخه د همدې پروسې پر لاچټکتيا ټينګار کړی دی. د وزارت د خبرپاڼې له مخې، د دايمي مېشېدنې کمېټې په مشرۍ د کور او ښار جوړولو وزارت په شاوخوا ۲۹ ولایتونو کې تر ۶۰ پورې ښارګوټي ډیزاین کړي او د نورو لپاره هم تابیا روانه ده.