ایراني رسنیو راپور ورکړی چې د ایران د سپاه پاسدارانو سمندري ځواک د امریکا د وروستیو بریدونو په غبرګون کې په سیمه کې د امریکایي پوځ ځینې مرکزونه په نښه کړي دي.
سپاه پاسدارانو په یوه خبرپاڼه کې ویلي، د تهران او واشنګټن ترمنځ د شوې هوکړې له مخې د هرمز تنګي له لارې د کښتیو د تګ ــ راتګ د کنټرول واک له ایران سره دی.
سپاه پاسدارانو امریکا ته خبرداری هم ورکړی، که بیا پر ایران برید وکړي، د تهران ځواب به تر دې هم پراخ او سخت وي.