هندي پولیسو د شنبې په ورځ په نوې ډیلي کې د «کاکروچ» ځوانانو غورځنګ د بنسټګر په ګډون له دوو زرو ډېر لاریونکوونکي نیولي دي.
لاریونکوونکي د هند د ټاکنو کمیسیون د مشر د استعفا غوښتنه کوي او نوموړی په ټاکنو کې په فساد تورنوي.
د رویټرز د راپور له مخې، په نوې ډیلي کې زرګونه پولیس او امنیتي ځواکونه ځای پر ځای شوي، په ځینو سیمو کې انټرنېټ او یو شمېر عامه خدمتونه بند شوي او بازارونه هم تړل شوي دي.
ملګرو ملتونو د لاریونکوونکو د ډلهییزو نیونو په اړه اندېښنه ښودلې او له هندي چارواکو یې غوښتي چې د سولهییزو لاریونونو حق ته درناوی وکړي.
د هند استازولۍ بیا د ملګرو ملتونو اندېښنه رد کړې او دا یې د هند په کورنیو چارو کې لاسوهنه بللې ده.