د ترکیې، سعودي عربستان، مصر او پاکستان د بهرنیو چارو وزیرانو په استانبول کې تر ګډې غونډې وروسته په یوه اعلامیه کې د اسراییل له لوري د فلسطین اشغال د سیمې د بېثباتۍ اصلي لامل بللی او په غزه کې یې د روان تاوتریخوالي د پای ته رسېدو غوښتنه کړې ده.
د اعلامیې له مخې، د دغو څلورو هېوادونو د بهرنیو چارو وزیرانو ټینګار کړی چې غزې ته باید د بشري مرستو رسولو بهیر دوام ومومي او اړمنو خلکو ته د مرستو د رسېدو په برخه کې باید خنډونه نه وي.
په اعلامیه کې دغه راز له حوثیانو غوښتنه شوې چې د پوځي عملیاتو پر ځای خبرو اترو ته مخه کړي.
د ایران او امریکا ترمنځ د جګړې او سیمهییزو ترینګلتیاوو په تړاو هم مذاکرات د ستونزو د حل او د کړکېچ د کمولو یوازینۍ لار بلل شوې ده.