د افغانستان اسلامي امارت د کابینې لومړۍ غونډه نن(دوشنبه، چنګاښ ۱۸مه) د رییس الوزرا ملا محمدحسن اخند په مشرۍ ترسره شوه.
په دې غونډه کې د اقینې ـ اندخوی وسپنې کرښې او کابل – کندهار لویې لارې تر څنګ پر نورو ګڼو موضوعاتو بحثونه شوي دي.
د کابینې دې غونډه کې د اقینې ـ اندخوی وسپنې پټلۍ د لومړي فاز د ۳۰ کیلومتره ځمکې د استملاک په تړاو یو پلاوی ټاکل شوی. یاد پلاوي ته دنده سپارل شوې چې ددې ځمکې چارې له نږدې وڅېړي او پایلې یې د کابینې بلې غونډې ته وړاندې کړي. همدارنګه دې غونډه کې ټولګټو وزارت ته دنده سپارل شوې چې د کابل ـ کندهار لویې لارې له کابل ـ غزني پورې د دویم سړک د جوړونې له شرکتونو سره د قرارداد په تړاو ناسته وکړي او پایله یې د ریاست الوزرا مقام سره شریکې کړي.