د عامې روغتیا وزیر، ښاغلي مولوي نور جلال جلالي په خپل کاري دفتر کې د افغانستان لپاره د UNFPA سازمان له مشر ښاغلي سټیفن روډریک او مل پلاوي سره کتلي.
په دې کتنه کې د هېواد روغتیايي مرکزونو لپاره د سولري برېښنا سیستم جوړولو، ملاریا، توبرکلوز او ایچ آی وي (ایډز) ناروغیو د مخنیوي او روغتیايي خدماتو اړوند بحث او خبرې شوي.
د عامې روغتیا وزیر، مولوي نور جلال جلالي د یاد سازمان له همکارۍ په مننې د لرې پرتو سیمو اوسېدونکو لپاره روغتیايي خدمتونو برابرولو، د روغتیايي مرکزونو لپاره د سولري برېښنا سیستم جوړولو او د ساري ناروغیو په کنټرول کې د یاد سازمان همکاري اړینه وبلله او د لنډ مهاله پروژو پر ځای یې د دوامداره او با ثباته خدماتو پر شتون ټینګار وکړ. په همدې مهال د UNFPA سازمان مشر پر خپلو دوامداره همکاریو ټینګار ته په اشارې په دې برخو کې د همکارۍ ډاډ څرګند کړی.