د ننګرهار په دره نور ولسوالۍ کې یو تن د ورور او ورېندارې د قتل په تور نیول شوی.
دغه کس د دره نور په شیمل سیمه کې د جنايي جرمونو پر وړاندې د مبارزې آمريت منسوبينو نیولی.
ویل کیږي چې دغه کس څه موده وړاندې خپل ورور او ورېندار په ډزو وژلي وو.
یاد کس له سیمې تښتېدلی و، خو د امنیتي ځواکونو په هڅو نن(شنبه، وږي درېیمه) نیول شوی. تورن به له پوښتنو ګروېګنو وروسته عدلي او قضایي ارګانونو ته وروپېژندل شي.