د صهيونيست رژيم يرغلګرو د غزې د شمال جباليا په پنډغالي بريد کړی، چې په پايله کې يې ۳۱ تنه شهيدان کړي دي.
د الجزيرې خبرې شبکې راپور ورکړی، چې تېره ورځ (چهارشنبه، لړم دويمه) د صهيونيست رژيم د بريدونو له امله د غزې شمال جباليا پنډغالي کې ۳۱ تنه شهيدان شوي دي.
د یادونې وړ ده، چې د فلسطیني بېځایه شویو وګړو دغه پنډغالی له تېرو شلو ورځو راهېسې په پرلپسې ډول د صهيونيست رژيم د بریدونو لاندې دی، چې تراوسه د دې بریدونو له امله تر ۷۷۰ زیات کسان شهیدان او شاوخوا زر تنه نور ټپیان شوي دي.