د افغانستان د کرکټ په تاریخ کې د لومړي ځل لپاره افغان ابدالیانو د ایمرجېنګ سیالیو پایلوبه وګټله او یاد جام یې په خپل نوم کړ.
افغان ابدالیان په دې لوبلړۍ کې تر نورو ټولو لوبډلو ښه وځلېدل او له هانګ کانګ پرته یې نورې ټولې لوبډلې په ګونډو کړې.
افغان ابدالیانو په نیمه پایلوبه کې د هندوستان الف لوبډله او په پایلوبه کې د سریلنکا الف لوبډله ماته کړه.
د نننۍ لوبې پچه د سریلنکا الف لوبډلې وګټله او خپله یې د توپوهنې پرېکړه وکړه. سریلنکا لوبډلې وکولی شول، ۱۳۳ منډې جوړې او افغان ابدالیانو ته د ۱۳۴ منډو هدف وټاکي. افغان ابدالیانو د دریو لوبغاړو په زیان یاد هدف په نولسم اور کې پوره او یاده سیالۍ یې په خپل نوم کړه.
د افغانستان کرکټ تاریخ کې؛ افغان ابدالیانو د لومړي ځل لپاره ایمرجېنګ جام په خپل نوم کړ
