یک منبع معتبر و موثق به رادیو امید گفته که کشور تاجیکستان، سفیر و دیپلماتهای ا.ا. افغانستان را پذیرفته است.
این منبع امروز (چهارشنبه، ۷ عقرب) پذیرفتهشدن سفیر و دیپلماتهای ا.ا. افغانستان توسط تاجیکستان را تایید کرده است.
به گفته منبع، این اقدام پس از سفر محمد یوسف وفا، والی بلخ، به پایتخت تاجیکستان، شهر دوشنبه، انجام شده است.
او افزوده که این اقدام در واقع بازکننده فصل تازهای از روابط میان افغانستان و تاجیکستان است که به دستور امامعلی رحمان، رییس جمهور آن کشور، صورت گرفته است.
گفتنی است که روابط دیپلماتیک و اقتصادی ا.ا. با کشورهای منطقه و جهان روزبهروز در حال گسترش است.
تاجیکستان از کشورهای همسایه افغانستان است که در بیش از ۴ سال گذشته روابط دیپلماتیکاش میان دوشنبه و کابل برقرار نبود.
این کشور اخیراً حدود ۲ هزار تُن کمکهای بشردوستانه به زلزلهزدگان ولایتهای شرقی افغانستان کمک کرده است.