نمایشگاه بین‌المللی صنعت؛ نورالدین عزیزی رهسپار اوزبیکستان شد

نورالدین عزیزی، وزیر صنعت و تجارت به هدف اشتراک در نمایشگاه بین‌المللی «صنعت (INNOPROM Central Asia)» در راس هیاتی رهسپار کشور اوزبیکستان شده است.
وزارت صنعت و تجارت امروز (دوشنبه، ۳۱ حمل) با نشر خبرنامه‌ای از سفر آقای عزیزی به اوزبیکستان خبر داده و گفته که این سفر به دعوت مقام‌های اوزبیک صورت گرفته است.
بربنیاد خبرنامه، نمایشگاه یادشده که به‌منظور توسعه صنعت و تکنالوژی‌های پیشرفته و همکاری در بخش سرمایه‌گذاری برگزار می‌شود، مقامات و سرمایه‌گذاران از کشورهای «روسیه، بلاروس، قزاقستان، قرقیزستان و تاجیکستان» در آن حضور خواهند داشت.
به گفته وزارت صنعت و تجارت، در این نمایشگاه به تعداد بیشتر از ۶۰ شرکت در سکتورهاى «پنبه، ذغال‌سنگ، ادويه و محصولات زراعتی از افغانستان، اشتراک کرده است.
نمایشنده بین‎‌المللی «INNOPROM Central Asia» یکی از بزرگ‌ترین اقدامات در عرصه صنعت، تکنالوژی و سرمایه‌گذاری در آسیای مرکزی است.