وزارت ترانسپورت تاجیکستان اعلام کرده است که نخستین سفر آزمایشی از طریق دهلیز جدید ترانسپورتی میان دوشنبه، تهران و کابل، طی یک ماه آینده انجام خواهد شد.
این وزارت گفته است که اقلام تجارتی میان تاجیکستان و ایران از مسیر افغانستان انتقال خواهد یافت و در مراحل بعدی، این دهلیز تا بازارهای آسیای مرکزی و چین نیز گسترش خواهد یافت.
تاجیکستان، ایران و افغانستان پیش از این، برای ایجاد این دهلیز ترانسپورتی، سند توافق سهجانبهای را امضا کرده و بهمنظور اجرای این پروژه، یک گروه کاری مشترک نیز تشکیل دادهاند.
بر اساس اعلام مقامهای تاجیکستان، انتظار میرود نمایندگان سه کشور در اواخر اکتبر یا اوایل نوامبر سال ۲۰۲۶، در کابل نشستی دیگر برای بررسی روند اجرای این پروژه برگزار کنند.