مارکو روبیو وزیر امور خارجه امریکا، در نخستین سفر خود به آسیای مرکزی وارد شهر سمرقند اوزبیکستان شد.
سعیده میرضیایف رییس دفتر ریاست‌جمهوری اوزبیکستان، روز یک‌شنبه (۲۶ میزان) با نشر پیامی در صفحه ایکس خود، از سفر روبیو به این کشور استقبال کرد.
وی گفته است که اوزبیکستان برای برگزاری گفت‌وگوهای دوجانبه، دیدار با رهبران بخش تجارت و نشست شورای تجارت و سرمایه‌گذاری امریکا و اوزبیکستان آمادگی دارد.
میرضیایف این سفر را فرصتی برای گسترش گفت‌وگوها و تقویت همکاری‌های دوجانبه میان امریکا و اوزبیکستان دانسته است.