ټاکل شوې چې د افغانستان کرکټ ملي لوبډله خپله وروستۍ او درېیمه لوبه هم د سریلنکا کرکټ ملي لوبډلې پر وړاندې ترسره کړي.
دا لوبه نن ماښام (چهارشنبه، کب دویمه) د ماښام په شپږو بجو پیلیږي.
د سریلنکا کرکټ ملي لوبډلې لا له وړاندې د دغو شل اوریزو لوبو لوبلړۍ په خپل نوم کړې ده.
افغان کرکټ ملي لوبډلې تر دې وړاندې ۳ پنځوس اوریزې او یوه ټېسټ لوبه هم سریلنکا ته بایللې ده.
افغان کرکټ ملي لوبډلې له سریلنکا څخه په ټېسټ، پنځوس اوریزو او شل اوریزو لوبو کې هېڅ لوبه نه ده ګټلې.
د ویلو ده چې د افغان لوبډلې وروستیو ماتو د کرکټ شنونکي او مینه وال پارولي دي.