کابل ښاروالۍ ویلي چې د پلازمېنې کابل ښار له بېلابېلو برخو یې د اختر په شپو ورځو کې ۶ زره ټنه خځلې او بېکاره توکي راټول او ځانګړي ځای ته یې لېږدولي دي.
سرچینې وړاندې ویلي چې د ښاروالۍ تنظیف ریاست یادې خځلې د چاپېریال او هوا له ککړتیا څخه د مخنیوي په موخه راټولې کړي دي. ویل کیږي چې دا ۵زره ۵۷۲ مټریک ټنه خځلې او اضافي توکي د کابل ښار له ۲۲ ناحیو راټول شوي.
د کابل ښاروالۍ مسوولین زیاتوي چې کارکوونکو یې لوی اختر کې د څارویو د پاتې شونو د ټولونې په پار د ښار په بېلابېلو برخو کې کثافت دانۍ اېښې وې.
کابل ښاروالۍ د پلازمېنې له ښاریانو غوښتي چې د ښار په پاکولو کې ورسره مرسته وکړي.