د ۲۱۵ عزم قول اردو سرحدي ځواکونو د ناقانوني توکو د قاچاق مخه نیولې ده.
د یادې قول اردو ویاند ملا محمد رسول مسعود ویلي، سرحدي ځواکونو د هلمند ګرمسېر ولسوالۍ کې اته سېپا موټرونه چې بېلابېل توکي یې ناقانونه پاکستان ته لېږدول له اتو تنو سره نیولي دي.
د ښاغلي مسعود په خبره، همدارنګه نیمروز کې نهه سېپا موټرونه چې سګرټ، کیماوي سرې او سمرسېبلونه پکې بار وو، هېواد ته یې د ناقانوني داخلېدو مخه نیول شوې ده.
ورته مهال، د څلورمې سرحدي لوا امنیتي ځواکونو د نیمروز سرحدي سیمه کې ایران ته د ۱۰۰ سرو پسونو د قاچاق مخه نیولې.
د یادونې وړ ده، د عزم قول اردو سرحدي ځواکونه تل هڅه کوي چې د ناقانوني توکو د صادرېدو او واردېدو مخه ونیسي.