د ننګرهار د بدني روزنې او ورزش ریاست په لارښوونه او د بایسکلځغلونې فدراسیون د استازولۍ له لوري د ورزشکارانو د لا هڅونې په پار د «نارنج ګل» په نوم د بایسکل ځغلونې سیالۍ ترسره شوه.
دې سیالۍ کې د ننګرهار په کوربتوب د لغمان، پنجشېر، پکتیا، میدان وردګو او پروان ولایتونو ۳۲ ورزشکارانو برخه اخیستې وه.
دې سیالیو کې سیدالله سادات لومړی، نقیب الله دویم او شریف الله درېیم مقامونه ترلاسه کړي.
ددې سیالۍ په پای کې د ننګرهار د المپیک، بدني روزنې او ورزش رییس مخکښو ورزشکارانو ته مبارکي ویلې او د هر ډول همکارۍ ډاډ یې ورکړی دی.
د ننګرهار د ورزش ریاست له قوله، دا په دې ولایت کې لومړی ځل دی چې د بایسکل ځغلونې معیاري یوه ورځنۍ سیالۍ پکې ترسره کیږي.