د هرات مقام د رسنيو دفتر وايي، چې دغه ولايت د کوچني اختر د درېيو ورځو د رخصتيو په مهال د ۲۵ زره د کورنيو ګرځندويانو کوربه وو.
د ياد مقام په وينا، چې د هرات جومات، تاريخي منارونه، زاړه بازارونه او لرغوني باغونه هغه مشهور ځايونه دي، چې ليدونکو پام يې راخپل کړی دی.
ويلکېږي، چې په يادو درېيو ورځو کې تر ټولو ډېر ګرځندويان يادو سيمو ته د ليدو په موخه تللي وو.
هرات چې د افغانستان له لرغونو، کلتوري او سیاحتي ولایتونو څخه شمېرل کېږي، د تاریخي آثارو، ښکلو طبیعي منظرو او دودیزو بازارونو له امله تل د ګرځندویانو د پام وړ پاتې شوی دی.