۲۱۵ عزم قول اردو د هلمند په بهرامچې ولسوالۍ کې د ۵۱ راستنو شويو کورنيو خپلو سيمو ته په خوندي توګه له لېږد خبر ورکړی دی.
ياده قول اردو وايي، چې دغه کورنۍ د اووم نمبر سرحدي محمدي لواء منسوبينو له لوري د انټرنېشنل په وسيله اړوند سيمو ته په خوندي توګه لېږدول شوې دي.
۲۱۵ عزم قول اردو ډاډ ورکړی، چې د دويم سرحدي عبيده ابن جراح کنډک د راستنيدونکو د ثبت، تثبیت او استقبال کميټه فعاله او د همکارو ادارو سره په همغږۍ خپل فعالیتونه په منظم ډول ترسره کوي.