پاکستان د امريکاــ اسراييل او ايران ترمنځ د زياتېدونکو ترينګلتياوو په ترڅ کې د کړکېچ د مهارولو لپاره د خپلو ډيپلوماټيکو هڅو يادونه کړې او ويلي يې دي، چې ښايي د سعودي، ترکيې او مصر د بهرنيو چارو وزيران اسلاماباد ته لاړ شي.
پاکستاني رسنیو د ډیپلوماټیکو سرچینو په حواله لیکلي، دا سفرونه به د سیمې په کچه د ایران او امریکا تر منځ د روان وضعیت په اړه د سلا مشورو په چوکاټ کې ترسره شي دا په داسې مهال ده، چې په دې وروستيو کې داسې راپورونه خپاره شول چې ګواکې پاکستان تر خپل بيرغ لاندې له هرمز تنګي د تېلو تېرې شوې بېړۍ امريکا ته سپارلې دي.