پولیټیکو د امریکایي چارواکو او سرچینو په حواله راپور ورکړی چې ډونالډ ټرمپ د قطر، متحده عربي اماراتو او پاکستان د مشرانو له تلیفونونو وروسته پر ایران د پوځي برید څخه لاس اخیستی او ډاډه شوی چې لومړۍ هوکړه نږدې ده.
د راپور له مخې، دغو هېوادونو، له تهران سره په خپلو اړیکو باوري دي او ټرمپ ته یې ډاډ ورکړی چې د ډیپلوماسۍ لاره لا هم خلاصه ده.
ټرمپ وروسته اعلان وکړ چې یو ‘لوی تړون’ ته رسېدلی او احتمال لري چې په راتلونکو ورځو کې به لاسلیک شي. د پولیټیکو په وینا، اوسنی تړون د اټومي وسلو په پرتله د هرمز تنګي پرانیستلو او د سمدستي کړکیچونو کمولو باندې ډیر تمرکز لري. په ورته وخت کې، په قطر او نورو هیوادونو کې د ۱۶ میلیارد ډالرو څخه زیاتو محدود مالي سرچینو ته د ایران د لاسرسي په اړه هم خبرې اترې روانې دي.