د امریکا او ایران د لوړپوړو پلاوو ترمنځ د سولې د خبرو لومړی پړاو په سویس کې پای ته رسېدلی، خو منځګړو ویلي چې د خبرو پیل د سختو سیاسي او امنیتي کړکېچونو تر سیوري لاندې ترسره شوی دی.
رویټرز راپور ورکړی چې ایران د خبرو له پیل سره هممهاله یو ځل بیا د هرمز تنګي د تړلو اعلان کړی، هغه ستراتیژیکه سمندري لار چې د نړۍ د نفتو او انرژۍ د لېږد مهمه برخه ترې تېرېږي.
بللور ته، د امریکا ولسمشر ډونالډ ټرمپ هم پر ایران د پوځي بریدونو د بیا پیل ګواښونه تکرار کړي چې له امله یې د دواړو هېوادونو ترمنځ د باور فضا نوره هم زیانمنه شوې ده.
راپور زیاتوي، سره له دې چې خبرې په ترینګلي وضعیت کې ترسره شوې، خو دواړه لوري هڅه کوي د ډیپلوماټیکو لارو له لارې د شخړې د پراخېدو مخه ونیسي او د روان کړکېچ لپاره سیاسي حل ومومي.