د فلسطین د فوټبال ټولنې د یوې اعلامیې له مخې، فلسطینی ګولساتونکی د روانې اوونۍ په پیل کې د غزې په تړانګه کې د اسرائیلي پوځ له لوري په نښه شوی دی.
د فلسطین د فوټبال ټولنې په وینا، الاشقر د صهیونیستي ځواکونو د ډزو له امله خپل ژوند له لاسه ورکړی دی.
یادې ټولنې ویلي چې نوموړی له هغو سلګونو فلسطیني ورزشي څېرو څخه و چې د ۲۰۲۳ کال د اکتوبر له میاشتې راهیسې د جګړې په ترڅ کې وژل شوي دي. ددې ټولنې د معلوماتو له مخې، په وژل شویو کسانو کې له زرو څخه ډېر فلسطیني ورزشکاران هم شامل دي.
د هغه له مړینې وروسته، د کورنۍ غړو، د لوبډلې ملګرو او د فلسطین او نړۍ د ورزشي ټولنې له خوا د خواشینۍ او غمرازۍ پراخ غبرګونونه څرګند شوي دي.
د چیلي د فوټبال کلب د چهارشنبې په ورځ په یوه بیان کې ویلي: «موږ د ۳۲ کلن فلسطیني ګول ساتونکي سلیم الاشقر پر غمجنې مړینې ژوره خواشیني څرګندوو. هغه د اسرائیلي پوځ له خوا وژل شوی دی. د دې ډول پېښو دوام موږ سخت خواشیني کړي دي. موږ د عدالت او سولې غوښتنه کوو.»
فلسطینی ګولساتونکی سلیم الاشقر په غزه کې وژل شوی
