د بلوجستان په چاغي او واشک ولسواليو کې وسلهوالو ځواکونو د ښار ځينې دولتي ودانۍ، بانکونه او امنيتي مرکزونه تر کنټرول لاندې راوستي دي.
د بلوچستان پوسټ رسنۍ د راپور له مخې، د واشک ولسوالۍ په سيچې سيمه کې د پاکستان امنيتي ځواکونو پر يوه نظامي کاروان لومړی د ماين چاودنه شوې او وروسته پرې وسلهوالو ډزې کړې دي. په دې بريد کې مرګژوبله اوښتې، خو د وژل شويو او ټپيانو کره شمېر په تړاو تر دې مهاله څه نه دې ويل شوي.