د امریکا د متحده ایالتونو ولسمشر ډونالډ ټرمپ ویلي، تر هغو چې سعودي عربستان د ابراهیم تړون له مخې له اسراییلو سره خپلې اړیکې عادي نهکړي، د واشنګټن او ریاض ترمنځ د ملکي اټومي همکارۍ تازه هوکړه به عملي نه شي.
نوموړي د دې هوکړې د پلي کېدو لپاره له سعودي عربستانه غوښتي چې له اسراییلو سره اړیکې عادي کړي.
امریکا او سعودي عربستان تازه داسې اټومي هوکړه لاسلیک کړې چې له مخې یې سعودي عربستان کولی شي د امریکایي ټکنالوژۍ په کارونې اټومي بټۍ جوړې او یورانیم غني کړي.