د اسپانيا امنيتي ځواکونو د همدې هېواد د سيوټا سيمې ته د مراکش د فينيديق ښار په شاوخوا کې د زرګونو کډوالو د اوښتو مخه نيولې ده.
رويټرز راپور ورکړی چې د پنجشنبې په ورځ شاوخوا درې زر کسان سیوټا ته اوښتي چې ډېری یې له غرمې مخکې بریالي شوي وو. راپورونه زیاتوي چې د پولې په شاوخوا کې تاوتریخوالی هم رامنځته شوی او یو شمېر کډوالو د شپې پر مهال موټرو ته اور اچولی چې له امله یې سیمه له کړکېچن وضعیت سره مخ شوې ده.