د امریکا ولسمشر ډونالډ ټرمپ وایي، روسیې ۳۲ کلن پخوانی امریکايي سمندري سرتېری رابرټ ګیلمان د بشري دلایلو له مخې له زندانه خوشې او نوموړی د امریکا پر لور روان شوی دی.
ګیلمان په ۲۰۲۲ کال کې په روسیه کې د یوه پولیس افسر د وهلو په تور نیول شوی و او له هغه وروسته یې څو کاله په بند کې تېر کړل.
د هغه کورنۍ ویلي چې په زندان کې د ناوړه چلند له امله یې روغتیايي وضعیت په جدي ډول خراب شوی و.
ټرمپ ویلي، د ګیلمان د خوشې کېدو لپاره له روسي ولسمشر ولادیمیر پوتین سره خبرې شوې او د هغه په بدل کې د بندیانو هېڅ ډول تبادله نه ده شوې.
د امریکا چارواکي وایي، ګیلمان ته به د درملنې لپاره په امریکا کې روغتیايي پاملرنه وشي.