پاکستاني رسنيو راپور ورکړی چې د ياد هېواد په پلازمېنه اسلاماباد کې د یوه دولتي روغتون د ماشومانو په څانګه کې د اورلګېدنې له امله ۱۵ نوي زېږېدلي ماشومان مړه شوي دي.
په راپور کې راغلي چې ښايي دا اور د هوا سړېدو «اېرکنډېشن» سیستم د خرابېدو یا د کمپرسور د چاودنې له امله رامنځته شوی وي.
ويل شوي، د اور وژنې او ژغورنې عملیاتو پر مهال یو ماشوم له اور څخه ژغورل شوی دی.
تر اوسه پاکستاني چارواکو د پېښې د کره لامل او د قربانیانو د وروستي شمېر په اړه رسمي او بشپړ معلومات نه دي ورکړي.