د امریکا د متحده ایالتونو د ولسمشر مرستیال «جېډي وېنس» وایي، واشنګټن په ایران کې د واده پر مراسمو د شوي ورورستي برید په اړه څېړنه کوي.
رویټرز د څلورو کارپوهانو په حواله راپور ورکړی، انځورونو او ویډېوګانو کې ښکاري چې د واده مراسم ښايي په مستقیم ډول د امریکايي مهماتو په وسیله په نښه شوي وي.
د دې کارپوهانو په وینا، د سیمې ویجاړۍ له مستقیم برید سره سمون لري، خو امریکا تر اوسه د پېښې مسوولیت نه دی منلی.
وېنس ویلي، که امریکايي ځواکونه تېروتنه وکړي، پوځ یې څېړي څو له هغې زده کړه وکړي او په راتلونکې کې د ورته پېښو مخه ونیول شي.
د معلوماتو له مخې، پر ایران د امریکا ورورستي برید کې پنځه کسان وژل شوي او نږدې ۷۰ نور ټپیان دي.