د ایران ملي امنیت د عالي شورا منشي محسن رضایي ویلي، تر هغه چې د تهران شرطونه ونه منل شي، ایران به له امریکا سره بیا خبرې پیل نهکړي.
رضایي د امریکا د ولسمشر ډونالډ ټرمپ د مذاکراتو په اړه څرګندونې «متناقضې» بللې او ویلي یې دي چې تهران باید د واشنګټن د بېلابېلو پیغامونو تر اغېز لاندې رانهشي.
نوموړي ټینګار کړی چې د ایران د شرطونو تر عمليکېدو پورې به له امریکا سره هېڅ ډول مذاکره ترسره نه شي.
دا څرګندونې داسې مهال کېږي چې ایراني چارواکو په وروستیو ورځو کې څو ځله د امریکا پر وړاندې ورته دریځ څرګند کړی دی.
د ایران ولسمشر مسعود پزشکیان هم له امریکا غوښتي چې د اسلاماباد هوکړهلیک ته بېرته وګرځي او ویلي یې دي، که دغه هوکړه عملي شي، تهران به په خپلو ژمنو عمل وکړي.