د خیبر پښتونخوا په ډېره اسماعیل خان سیمه کې د پولیسو پر یوې امنیتي پوستې برید لږ تر لږه ۱۱ کسان وژلي او ۲۰ نور یې ټپیان کړي دي.
د الجزیرې د راپور له مخې، پېښه نن د سړک غاړې د پولیسو پر یوې پوستې شوې ده.
د پولیسو او ژغورنې ادارو د معلوماتو له مخې، په وژل شویو کسانو کې لږ تر لږه اووه امنیتي سرتېري شامل دي.
د تحریک طالبان پاکستان (ټيټيپي) د یوې اعلامیې په خپرولو سره د دغه برید مسوولیت منلی دی.
د برید د نورو جزیاتو په اړه تر اوسه معلومات نه دي ورکړل شوي.