د رویټرز خبري اژانس د راپور له مخې، د سپینې ماڼۍ نوې ویانده کیټي زکریا د دندې له پیل یوازې څو ورځې وروسته له خپلې دندې لرې شوې ده.
په راپور کې ویل شوي چې د امریکا ولسمشر ډونالډ ټرمپ زکریا ته د کاري فشارونو او عامه نیوکو له امله سپارښتنه کړې وه، څو د خپلې دندې د دوام په اړه بیا غور وکړي.
زکریا د دوشنبې په ورځ د سپینې ماڼۍ د ویاندې په توګه کار پیل کړی و او د سېشنبې په ورځ یې خپله لومړنۍ خبري غونډه ترسره کړې وه.
دا په داسې حال کې ده چې ټرمپ تر دې وړاندې نوموړې حقوقي وکیله بللې وه، خو زکریا د پنجشنبې په ورځ له فاکسنیوز سره په مرکه کې ومنله چې د وکالت په ازموینه کې هم بریالۍ شوې نه وه.