د امريکا له لوري د ايران پر درېيو مهمو اټومي تأسيساتو تر هوايي بريدونو وروسته، د ايران سپاه پاسداران خبرداری ورکړی چې د امريکا پر ضد به پراخ پوځي عمليات پيل کړي.
سپاه په تازه غبرګون کې ویلي: “امريکا دې د خپلو ۵۰ زره مړو ټولولو ته ځان چمتو کړي. په سيمه کې به هېڅ پوځي او ملکي هدف تر بريدونو خوندي پاتې نه شي. اوس زموږ جګړه رسماً پیل شوه. ” دا څرګندونې داسې مهال کېږي، چې د دواړو لورو ترمنځ تاوتريخوالی ورځ تر بلې پراخيږي او نړيوال بنسټونه يې د جدي اندېښنو وړ بولي.