د امریکا د کانګرس یو شمېر غړي او سیاسي نفوذ لرونکي شخصیتونه وایي، چې د امريکا د متحده ايالتونو ولسمشر ډونالډ ټرمپ له قانوني او سیاسي مشورې پرته، هېواد په یوه یواړخیزه توګه جګړه کې ښکېل کړی دی.
د دغو چارواکو په وینا، ټرمپ د خپلې واکمنۍ پر مهال د کانګرس له اجازې پرته د پوځي عملیاتو پریکړې کړې، چې نه یواځې د اساسي قانون خلاف بلل کیږي، بلکې د نړیوالو قوانینو له نظره هم تر پوښتنې لاندې ده.
دا څرګندونې په داسې حال کې کېږي، چې د امریکا د بهرنۍ تګلارې پر څرنګوالي نیوکې زیاتې شوې دي.