د غزني د ورزش امریت وایي چې ددې ولایت په جاغوري ولسوالۍ کې د سلو غشو ویشتونکو ترمنځ د غشي ویشتنې سیالۍ پیل شوې.
یاده اداره وایي چې دې سیالیو کې ۵ لوبډلو برخه اخیستې او دوه اونۍ به په بر کې ونیسي.
د دې لوبلړۍ په لومړۍ لوبه کې د اتحاد هوسه قلندري لوبډلې او د بایک خدايداد کلتوري ټولنې لوبډلې سره مخ شوې چې په پایله کې د اتحاد هوسه قلندري لوبډلې د ۱۳۳-۱۱۵ په توپیر سره سیالې لوبډلې ته ماتې ورکړه او اتلولي یې په خپل نوم کړه.
د غزني د ورزش امریت د دغو سیالیو موخه د سیمه ییزو او دودیزو لوبو پراختیا او وده ښودلې ده.