د امریکا د روډ ایلنډ ایالت په پراویډنس ښار کې د «براون» پوهنتون پر زدهکړيالانو وسلهوال بريد شوی او له امله دوه تنه زدهکړيالان وژل شوي او ۹ نور ټپیان شوي دي.
د رویټرز راپور له مخې، دا پېښه د شنبې په شپه د «براون» پوهنتون د انجینرۍ په ودانۍ کې د ازموينو پر مهال رامنځته شوې ده.
د پراویډنس ښاروال بریټ سمېلي ویلي، وسلهوال کس تر اوسه نه دی نیول شوی او پولیس یې په لټه کې دي.
د پولیسو مرستیال قوماندان ټیموتي اوهارا ویلي، شکمن کس یو نارینه دی چې تورې جامې یې اغوستې وې او ښايي ماسک یې هم پر مخ درلود.
له پېښې وروسته د پوهنتون شاوخوا لارې تړل شوې او امنیتي ځواکونو په پراویډنس ښار کې لوړ امنیتي حالت اعلان کړی دی.
امريکا کې وسلهوال بريد؛ دوه تنه پکې وژل شوي او نهه نور ټپيان دي
