د امریکا یو شمېر ډیموکراټ سناتورانو ګواښ کړی چې د فدرالي حکومت له هغې بودجې سره به مخالفت وکړي چې ولسمشر ډونالډ ټرمپ ته د ایران جګړې د دوام اجازه ورکوي.
د «ده هیل» خبري اژانس د راپور له مخې، مایکل بنټ، برني سنډرز، کریس وان هولن او ټامي ډکورث د پنجشنبې په ورځ په یوه ګډه اعلامیه کې خپل مخالفت څرګند کړی دی. د امریکا د حکومت اوسنۍ بودجه د ډسمبر په ۱۱مه پای ته رسېږي او که کانګرس د نوې بودجې په تصویب کې پاتې راشي، د فدرالي حکومت ډېری ادارې به له فعالیتونو ودرېږي.