کابل ښاروالۍ ویلي چې تیکا موسسې کابل کې د نویو هوایي پلونو د ډیزاین او جوړېدو برخه کې د همکارۍ ژمنه کړې ده.
د کابل ښاروال مولوي عبدالرشید د ترکیې د تیکا موسسې له مشر فاضل آکین اردوغان سره په کتنه کې، د ښار د اوسني وضعیت د لا ښه والي او د پرمختیايي پلانونو د پلي کېدو په اړه خبرې کړي دي. د ترکيې د تیکا موسسې رییس د افغانستان او ترکیې پر اوږدمهالې ملګرتیا خبرې کړي او د افغان کارکوونکو د ظرفیت لوړولو، هوایي پلونو طرحه د کابل ښار پر رغونې او نورو برخو کې یې د همکارۍ ژمنه کړې ده.