د امريکا او ايران د هستوي پروګرام په تړاو د خبرو څلورم پړاو سباه (يکشنبه، غويي ۲۱مه) په عمان کې پيلېږي.
رويټرز د خپلو سرچينو په حواله راپور ورکړی، چې تمه ده، د منځني ختيځ لپاره د ټرمپ حکومت ځانګړی استازی سټيو ويټکاف د ايران سره په خبرو کې د ګډون په موخه عمان ته سفر وکړي. دا په داسې حال کې ده، چې د خبرو دا پړاو بايد د روانې مياشتې په ۱۳مه ترسره شوی وای؛ خو ايراني او عماني چارواکو هغه مهال ويلي وو، چې دا خبرې د “تخنيکي او لوژستيکي” دلايلو له امله ځنډېدلي دي.