د سمنګانو امنیې قوماندانۍ د یاد ولایت په «حضرت سلطان» ولسوالۍ کې د یو شمېر وسلو د کشف او نیولو خبر ورکړی دی.
د سرچینې د معلوماتو له مخې چې دا وسلې د امنیې قوماندانۍ لخوا د ځانګړو عملیاتو پرمهال ترلاسه شوې چې دوه کلاشینکوف، دوه کربین، دوه شاژر او ۲۱ مرمۍ پکې شاملې دي.
د سمنګانو د امنیې قوماندانۍ په خبرپاڼه کې همداراز ویل شوي چې دا وسلې د یو نامسوول کس لخوا په غیرقانوني توګه ساتل شوې وې.
تر دې مخکې هم په یو شمېر ولایتونو کې د وسلو د قاچاق، کشف او ترلاسهکېدو راپورونه ورکړ شوي وو.
د یادونې ده چې د اسلامي امارت له واکمنېدو وروسته په ټول هېواد کې د نامسوولو وسلهوالو پر فعالیت بندیزونه لګول شوي دي.