په غزنې ولايت کې نن ورځ د پوليو ضد واکسينو کمپاين د يو لړ مراسمو په ترڅ کې رسمآ پيل شو.
د غزني عامې روغتيا رياست وايي، په دې مراسمو کې مسوولينو ته سپارښتنې شوې چې د کمپاين د لا ښه پليکېدو په موخه د اړوند برخو له مسوولينو سره پوره همکاري وکړي.
د ويلو ده، په دې جوړو شويو مراسمو کې د غزني مرستيال والي حافظ عبدالرشيد عمري، د عامې روغتیا رييس ډاکتر محمدزرک ځيرک، د دې ولايت امنيه قوماندان محمد عالم مخدوم، د نړيوال روغتيايي سازمان (WHO) مسوولينو او د اسلامي امارت يو شمېر نورو مسوولينو پکې ګډون کړی وو.