د افغانستان لپاره د ملګرو ملتونو مرستندويه ماموريت (يوناما) خبر ورکړی چې امنیت شورا نن په نیویارک کې د افغانستان د روان وضعیت په تړاو ځانګړې ناسته کوي.
ويلکېږي په دې ناسته کې به ګډونوال د افغانستان د سیاسي او بشري وضعیت په اړه خپل وروستي معلومات او ارزونې وړاندې کړي او ياده غونډه د کابل پرمهال نن ماښام ۷:۳۰ بجې پيل شي. دا ناسته داسې مهال ترسره کېږي چې اسلامي امارت څو ځله له ملګرو ملتونو غوښتي، چې د دې سازمان رسمي څوکۍ دې افغانستان ته وسپارل شي.