د ایران سپاه پاسداران او سمندري قطعې ځواکونو خبر ورکړی، چې د متحده عربي اماراتو په دوبۍ ښار کې یې د بېپیلوټه الوتکو او توغندیز ګډ برید په ترڅ کې لسګونه امریکایي ځواکونه هدف ګرځولي دي.
د تسنیم خبري اژانس د سپاه پاسداران د رسمي رسنۍ «سپاه نیوز» له قوله ويلي، چې د سپاه د سمندري ځواکونو له لوري په ترسره شوي ګډ توغندیز او ډرون برید کې تر ۴۰ زیات کسان وژلي او څه باندې ۷۰ نور ټپیان کړي دي. د سیمې امنیتي وضعیت په داسې حال کې ترینګلی شوی، چې امريکا او اسراييلو درې ورځې وړاندې په ګډه بريد کې د ايران مذهبي مشر په نښه کړ.