د چاپېريال ساتنې ملي ادارې په کابل کې د یوې مؤسسې په همکارۍ، د «صحتمند چاپېریال، روښانه راتلونکې» تر شعار لاندې د ۱۴۰۵ کال د نيالګو کېنولو ملي کمپاین پيل کړی دی.
د اميد راډيو خبريال په دې غونډه کې د «TLO» مؤسسې استازي انجیر عبدالرحیم خرم په حواله ويلي، چې دغه مؤسسه له ۲۳ کلونو راهیسې په بېلابېلو برخو کې فعالیت کوي.
د کمپاین په ترڅ کې به د کابل ښار په «تپه کلا مسلم» کې ۱۱۰۰ نيالګي اېښودل کېږي او په يو شمېر ښوونځیو کې به هم ۹۰۰ نيالګي کېنول شي.