د تاجکستان او قرغیزستان حکومتي مسوولینو د برېښنا د لېږد د لویې پروژې «کاساـزر» د یوې برخې چارې پیل کړي دي.
ویل کیږي چې په دې برخه کې به تاجکستان د برېښنا د لېږد ۵۰۰ کیلوولټه مزی غځوي.
کاساـزر د افغانستان له لارې سویلي اسیا ته د ۱۳۰۰ مېګاواټه برېښنا د لېږدونې ستره پروژه ده.
د مسوولینو له قوله، د کاساـزر له لارې به افغانستان شاوخوا ۳۰۰ مېګاواټه برېښنا ترلاسه کوي او همدارنګه به ۵۰ میلیونه ډالره د ټرانزېټ فیس هم د حکومت خزانې ته جمع کیږي.
یاده دې شي چې د اسلامي امارت په هلو ځلو اوسمهال د ټاپي پروژه په چټکۍ سره د افغانستان په خاوره کې د تېرېدو په حال کې ده.