د میدان وردګ د چک ولسوالۍ په بکسمند ذوالقاعده کلي کې یوه زاړه ناچاودي ماین د ښوونځي زده کوونکو ته مرګ ژوبله اړولې ده.
دې ماین د یوه ماشوم ژوند اخیستی او ۴ نور یې ژور ټپیان کړي.
د میدان وردګو له پیښو سره د مبارزې ریاست ژوره خواشیني ښودلې، شهید ته یې د جنت او ټپیانو ته یې د بېړنۍ روغتیا دوعا کړې ده.
ددې پېښې ټپیان د میدان ودرګو مرکزي روغتون ته وړل شوي، خو روغتیایي وضعیت یې ډاډمن نه دی.
یاده دې شي چې لا هم په ټول هېواد کې ناچاودي او زاړه ماینونه د هېوادوالو ژوند ګواښي.