د نشهيي توکو پر ضد د مبارزې پولیسو په روزګان او زابل ولایتونو کې یو زر ۹۸۰ کیلو ګرامه یامه (ومان) تر کشف او ترلاسهکېدو وروسته له منځه وړي دي.
د کورنیو چارو وزارت لیکلي چې په دې تړاو درې کسان تر لومړنیو څېړنو وروسته عدلي او قضایي ارګانونو ته ورپېژندل شوي دي.
د یاد وزارت د یوې بلې خبرتیا له مخې چې د غزني ولایت د روضې په سیمه کې ۱۰ کیلو ګرامه شیشه او یوه اندازه نور نشهیي توکي کشف او ترلاسه شوي دي.
سرچینې لیکلي چې دا توکي د غزني ولایت لویې لارې پولیسو د روضې په سیمه کې په یو ۵۸۰ ډوله موټر کې له یو کس سره نیولي دي.
د کورنیو چارو وزارت د خبرپاڼې له مخې چې یاد کس ۱۲۸۰ د نشې ګولۍ او یوه اندازه پوډر هم یوه بکس کې په ډېر مهارت سره ځای پرځای کړي وو.
روزګان او زابل کې نږدې دوه زره کیلو ګرامه ومان له منځه وړل شوي
